Toou baRay chaao se, barey maan ke saath
apni nazuk si kalaai mein chaRhati mujh ko
aur betaabi se furqat ke khizaaN lumhooN meiN
Too kissi soch meiN doobi jo ghumaati mujh ko
Mein terey haath ki khusboo se mehek sa jata
Jab kabhi mood mein aa kar mujhey chooma karti
Terey honton ki mein hiddat se dehek sa jata
Raat ko jub bhi tu neendon ke safar par jati
Murmareen haath ka ek takiya banaya karti
Mein terey kaan se lug kar kai baatein karta
Teri zulfon ko terey gaal ko chooma karta
Jub bhi tu bund qaba kholney lugti janaan
Apni aankhon ko terey husn se kheera karta
Mein teri rooh ke gulshan mein mehekta rehta
Mein terey jissem ke aangan mein khanakta rehta
Kuch nahin tu yahi be-naam sa bandhan hota
Kaash mein terey haseen haath ka kungan.
0 comments:
Post a Comment